სამანქანე განყოფილების რესურსების მართვა

კურსის აღწერა

პროგრამა ფარავს და მოიცავს კომპეტენციის მინიმალურ სტანდარტებს მეზღვაურებისათვის შემდეგი კომპეტენციის მიმართ: „სამანქანე განყოფილებაში უსაფრთხო ვახტის გაწევა“, კერძოდ, სამანქანე განყოფილების რესურსების მართვა, ცხრილი მე-2, ფუნქცია „საზღვაო ინჟინერია“ საექსპლუატაციო დონეზე STCW საერთაშორისო ქოდექსის ცხრილი A-III/1.

კურსი შედგება თეორიული და პრაქტიკული ნაწილისგან, სიმულატორზე სავარჯიშოების ჩათვლით, STCW კოდექსის ცხრილი A-III/1 პარაგრაფი 8, თავი A-VIII/2 და თავი B-VIII/2 სახელმძღვანელოს შესაბამისად.   

კურსის წარმატებით გავლის შემდეგ მსმენელებს შეეძლებათ უსაფრთხო სამანქანე ვახტის გაწევა ექსპლუატაციის დონეზე, კერძოდ, ეცოდინებათ სამანქანე განყოფილების რესურსების მართვის პრინციპები, რომელიც მოიცავს:

  • რესურსების განლაგება, განაწილება და პრიორიტეტების მინიჭება
  • ეფექტური კომუნიკაცია
  • თვითდაჯერებულობა და ლიდერობა
  • სიტუაციური ინფორმირების მიღწევა და შენარჩუნება
  • გუნდის გამოცდილების გათვალისწინება

კურსზე დაშვების წინაპირობა

კურსზე ჩარისაცხად აუცილებელია შემდეგი დოკუმენტების ასლების წარდგენა ორიგინალთან ერთად:

  • კომპეტენციის სერტიფიკატი ან კომპეტენციის დამადასტურებელი კვალიფიკაციის სერტიფიკატი ან განათლების დიპლომი
  • მეზღვაურის წიგნაკი ან სამოქალაქო პასპორტი
  • ცნობა მეზღვაურის ჯანმრთელობის შესახებ

კურსის ხანგრძლივობა: 5 დღე